容祖兒、古巨基、陳奕迅、謝安琪、楊千嬅及蔡卓妍等昨日出席《叱咤樂壇流行榜頒獎禮》記者會，而衞蘭、何韻詩及薛凱琪（Fiona）因有工作在身而缺席，張敬軒則身體不適請假。今年祖兒走勢凌厲，有機會連續3年勇奪女歌手金獎，如成功的話，將平了林憶蓮的3連霸紀錄！而Fiona亦成績理想，3首派台歌均登上No.1位置，有望躋身女歌手三甲！

祖兒與基仔率領同門赴會，人才濟濟。

陳奕迅、祖兒、Kay及草蜢等出席叱咤記者會，預告將有龍爭虎鬥！

行斜路最攞命

預計樂壇成績理想，但身穿Fendi連身裙襯4吋高踭鞋的祖兒透露，日前雙膝、背脊及腰部感到痠痛，照過X光後，醫生斷定她的雙膝有退化迹象：「個消息嚇到我癲咗！未來仲有好多路要行，應該係着得高踭鞋多，依家要食消炎藥！（唔可以跳舞？）唔可以跑步！游水同行路都得，要做物理治療囉！」她坦言行斜路最痛：「一行就痛，咳嗰時背脊又痛！」

陳柏宇（左起）、鍾舒漫及泳兒人氣上升，相信不會空手而回。

女子組合HotCha今年走勢平穩，有望躋身組合三甲。

祖兒向來歌精舞勁，問到是否與跳得太勁有關？她說：「自己一直冇理，以為係超人，只不過係凡人一個！」問到會否戒着高踭鞋？要靚唔要命的她竟說：「會着啲冇咁高嘅，今次真係『降呢』，不過出席頒獎禮一定有幾靚着幾靚、有幾高着幾高！」至於睇好哪一個女歌手？她說：「梗係容祖兒啦！何韻詩都幾好，謝安琪亦唔錯！」

基仔攞獎隨緣

男歌手方面，古巨基以「充實」來形容今年的成績：「新舊公司都各自出咗一隻碟，仲開埋演唱會。（舊公司唔會幫你爭獎？）唔係爭唔爭，最緊要觀眾睇到成績，有冇獎就隨緣啦！」由於英皇行政總裁吳雨在他加盟英皇時，曾表示會為他爭取獎，基仔說：「唔諗喇！留畀佢哋搞！」