昨日趙碩之擔任化妝箱品牌的亮燈嘉賓，席間她大讚該品牌的化妝箱好用，又表示外出時必備化妝箱。問到是否從小開始化妝？她笑說：「幼稚園嗰陣，我拎咗媽咪支唇膏返學校幫同學亂畫亂化，結果畫到佢哋塊面花晒，之後畀老師鬧咗一餐！」她又表示因修讀時裝，故在中五時便開始化妝：「嗰陣因為要型，所以連男同學都會化妝！（接受男朋友化妝？）唔好喇！男藝人就話啫！如果男友都化埋妝，親熱嗰陣啲化妝品咪會整到啲衫，咁好唔方便！」此外，她坦言曾替男友護膚：「我曾經叫男友剃晒鬚畀我化妝，點知原來男仔用少少化妝品已經好覺，所以化咗出嚟好誇張！」