陳法拉早前在《有營煮婦》中除剩Bra通屋走，令廣管局接獲26宗投訴及遭外間抨擊，但無綫只以「劇情需要」為由解畫。而無綫於前晚舉行的節目巡禮中，再度大灑「鹽花」，以索女鍾嘉欣和徐子珊「露肉」片段吸引廣告客戶。

徐子珊望點到即止

在《囧探查過界》的預告片之中，講述飾演o靚模的鍾嘉欣換衫時被偷窺，鏡頭以借位手法拍得她恍如全裸，僅以門間黑影遮蓋重要部位。曾在外國留學的嘉欣對此說：「呢場戲已經拍咗！我覺得劇情需要冇問題，意識都OK！其實當時係話個o靚模畀人偷拍，為咗拍呢場戲我已經打晒底，着咗件絲襪衫同打底褲！」

子珊與謝天華拍攝情慾戲，場面香艷。

鍾嘉欣僅以門間黑影遮掩重要部位，意識大膽！

至於另一場大膽場面則落在徐子珊與謝天華身上，他們為古裝新劇《武偈大師》不惜赤裸半身纏綿，場面香艷！子珊直言正式拍攝時會詳細研究劇情：「其實我同天華都好保守！只係拍節目巡禮冇問題，如果真正拍攝，我會詳細研究劇情係咪有咁嘅需要！可以點到即止梗係最好啦！」問到是否挑戰電視尺度？子珊說：「唔係！古裝有古裝嘅服飾，其實我都有着肚兜，只係鏡頭影到上半截，令大家嘅想像空間大咗！」