樂隊Mr.憑歌曲《如果我是陳奕迅》人氣急升，新碟銷量達金唱片，更獲陳奕迅邀請，為其內地巡迴演唱會擔任和音及樂手。眼見Mr.人紅歌熱，環球唱片即視他們為金叵羅，安排他們與譚詠麟、陳慧琳及李克勤等樂壇重量級歌手一齊拍攝2010年月曆，主音Alan說：「今次Mr.可以同咁多位前輩一齊影月曆，真係有『升呢』嘅感覺，好開心！」

Mr.與譚校長、劉美君及陳奕迅等前輩影月曆，受寵若驚。	Mr.升呢影月曆，成員Ronny透點上陣，被譚校長取笑。	自認「湊仔大過天」的陳慧琳，忍痛撇下囝囝拍攝。

譚詠麟設「圈套」

拍攝當日，靚仔成員Ronny以超薄白恤衫示人，不時透出胸前兩點，校長忍不住作弄他，將圓圈匙扣套在他的「兩點」上，更笑說：「做歌手要有『特』點，又要知咩係重點，依家清楚晒啦！」Ronny則自嘲為藝術犧牲：「難得今次透晒點喎！我有信心一定會撼贏周秀娜（Chrissie）啦！」

另一新人麥家瑜則表示，與陳慧琳及劉美君合唱令她獲益良多：「佢哋教我好多做女Artist嘅秘技，佢兩個又靚又Fit，係有型媽咪！」

另外，Chrissie前日出席活動後，與兩女一男友人到中環置地廣場High Tea，期間食個不停，吹水時又手舞足蹈，動作多多，最後由友人埋單。