早前金荷娜與姜至奐來港宣傳電影《我女友係零零7》，緋聞再度成為話題，他們接受無綫《娛樂新聞台》專訪時否認拍拖，姜至奐更大談理想對象，直言想找「港女」做女友，首要條件是孝順父母。

姜至奐與金荷娜因拍戲而傳緋聞，受訪期間不避嫌嬉戲。	姜至奐（左）今次來港深受女Fans歡迎，他更表示想找個香港女友。	金荷娜和姜至奐外形匹配。

深受女Fans歡迎的姜至奐，自爆目前單身，更聲言鍾情「港女」，希望來港識女友：「我好鍾意睇香港電影，見到入面啲女主角個個都好靚，我都想搵一個咁有魅力嘅女仔。（今次搵唔搵到？）本來想搵，但今次工作太忙喇！哈哈！如果我同一個女仔拍拖，佢一定要孝順父母，唔可以駁長輩嘴。」

婚後返鄉下

金荷娜亦不想再做姜至奐緋聞女友的角色，問到對戀愛的憧憬時，她說：「好想同將來嘅老公過啲簡單生活，喺鄉下雙宿雙棲。（如果搵到夢中情人，會依家結婚定寧願20年後先嫁？）如果要我揀，我會即刻結婚，因為要等20年就會好老喇！不過就算依家有理想情人，都未必可以一齊。」