06/11/2009

播放本新聞相關短片

黃宗澤「真心」賀杏兒牛一

有傳黃宗澤（Bosco）包場為緋聞女友胡杏兒提早慶祝生日，但Bosco昨日出席無綫台慶活動時否認：「我冇出錢喎，我出心啫！（送禮？）人到就心到啦！（你送個心畀人呀？）我講完都知賴嘢！當晚鄭嘉穎都喺度！（你先係男主人？）咁我都有幫手，我都會發SMS賀佢！」問到會否早機去晚機返，與身在北海道拍劇的女友慶祝，他說：「我聽日要開工排台慶！」此外，杏兒與Fans舉行生日會時回顧入行十年，一度因感觸而落淚。
胡杏兒的生日願望是身體健康及新碟大賣。
  • 胡杏兒的生日願望是身體健康及新碟大賣。