吳雨霏想買樓唔恨「一姐車」

昨日吳雨霏（Kary）穿連身裙出席新碟祝捷會，以大錘扑碎「30,000」字樣的冰雕，宣布新碟銷量衝破3萬張！對於Cookies四分五裂，有傳Kary欲離開金牌大風，不過她說：「我選擇咗繼續合作，因為同公司合作得好好，嚟緊有好多計劃，大家有晒共識！（冇得做一姐喎？）我冇興趣，大家方向都唔一樣，我唔想要呢啲稱號，況且我同Stephy（鄧麗欣）係好朋友，唔想去爭！」

提到Stephy擬買貴價「一姐車」示威，Kary說：「我冇車，不過想買樓。」身旁的陳輝虹笑言：「車會貶值，樓先會升值嘛！」對於金牌大風跟傅穎的合約糾紛，陳輝虹表示一切按正常程序進行，不便回應。