傅穎（Theresa）昨日出席慈善花生騷，席間帶領小朋友行Catwalk及畫畫，由於小朋友串錯貼在畫作上的「Thank You」英文字，Theresa即說：「我幫你哋改番。」有記者笑說：「又展示你英文實力。」Theresa聞言即尷尬地說：「咁我唔掂喇！」不過她最後都有改正錯字，展示才女實力。

自嘲新豬肉

本報日前直擊鄧麗欣（Stephy）睇保母車，似乎想狙擊過檔星皓後有保母車接載出入的Theresa，對此Theresa說：「我唔係阿姐，我係一塊豬肉，新嚟新豬肉，冇留意其他人做嘢！唔回應。（Stephy追住你鬥？）只係理自己事，其他唔理。（唔係朋友？）唔回應。」

由於現場有很多小朋友，Theresa表示很喜歡他們，希望將來生個趣致的肥BB，問到要不要似緋聞男友敖犬？她沒好氣地說：「求吓你哋唔好再講，媽咪擔心我搵唔到男友，失實報道搞到我冇人追，冇人要係咪寫嘅記者負責？我真係冇拍拖，媽咪叫我快啲儲錢買姑婆屋。」