早前龔嘉欣被拍得與關楚耀到沙灘曬太陽而傳出二人「翻撻」，嘉欣即時澄清：「輯相係我未入行前影嘅，已經係年幾前嘅事，可能我個樣冇乜點變啦！其實當時唔止我哋，仲有其他朋友，只係大班人一齊去玩。」早前關楚耀與台灣豪放美眉Mika的私相簿被公開，嘉欣坦言有與對方聯絡：「有，正常朋友聯絡。（擔心影響佢日後工作？）唔會，大家應該將工作同感情事分開。」
此外，嘉欣有份參與梁材遠監製的新劇，劇中飾演郭羨妮的妹妹，由一個乖學生變成曳學生，她直言甚具挑戰性：「我扮一個十七、八歲嘅學生妹，劇裏面可以同一班前輩合作，學到好多嘢，尤其鄭則士成日教我做戲，郭羨妮又好錫我，大家好似一家人咁開心。」
