離開咗舊公司嘅鄧穎芝（Vangie），雖然未有新唱片公司向佢招手，但佢都好勤力自己接Job，不過再次起步嘅Vangie就運氣麻麻，之前小小So喺個活動上見到氣來氣喘嘅Vangie。
Vangie：哎呀！好黑仔，嚟嗰陣架車喺高速公路死咗火，截到的士都算不幸之中嘅大幸！
小小So：嘩！你把聲做咩呀？
Vangie：喉嚨生繭呀！之前出騷要咪嘴好唔開心，好似收咗人錢，但又唔做嘢咁！
小小So：咁依家同公司點，你咪同舊師妹裕美一樣冇公司囉？
Vangie：係呀！好慘！佢都生繭，不過公司方面有啲唔同嘅，我係自己揀唔續約，希望可以發揮更大。
小小So：裕美同你同病相憐，有冇聯絡？
Vangie：呢排少啲，聽講佢做緊啲關於福音嘅嘢。
小小So：佢好似同舊公司不歡而散咁，好似有啲可惜。
Vangie：少少啦！可能佢仲係細路女啦！