身材出眾的李蘢怡（Tiffany）早年曾在娛樂圈活躍一段時間，可惜因只顧拍拖而失去不少工作機會，現在的她已修心養性，每每提到舊事，她即顯得有點激動，似乎要為自己平反：「可能我好耐冇做訪問，記者或者觀眾都係記住我以前嘅新聞，佢哋未必知道我呢幾年做咗啲咩，講咗四、五年都係講過去，其實有邊個未試過偷懶，次次講番我都覺得好無奈，點解我練舞拉筋拉到流晒汗就冇人講，點解報道我嘅全部都係負面新聞？一個人有錯過先會成長，拍拖同玩都唔係咩錯吖！適可而止就得啦！依家我覺得專注工作係最緊要囉！」

自言已成熟不少的李蘢怡，希望觀眾接受全新的她。

李蘢怡近年積極練舞，務求有一技之長。資料圖片

冇家庭負擔認幸福

重返娛樂圈，雖然Tiffany信心十足，認為只要努力便無怨無悔，但她亦開始深明「遊戲規則」，她說：「我開始清楚自己好鍾意表演，但我唔會一世死舌累，會畀一個期限自己，即使結果唔得，都叫盡咗力，對自己有交代！」

家人的支持對Tiffany來說是最大的原動力，眾所周知李媽媽是商界女強人，身家逾億，問到Tiffany可感到自己很幸運，可追尋夢想而無後顧之憂？她說：「我係個好幸福嘅人，同家人嘅關係對我嚟講係最緊要嘅，冇家庭負擔當然係Bonus啦！」