當年古天樂的膚色由白變黑，事業發展即突飛猛進，估不到近期人氣急升的Ella同樣以膚色轉運，昨日她與A. Lin、賈曉晨（JJ）、周秀娜及譚凱琪等出席活動。記者發現Ella整個人變白，儼如經過「洗底」般！Ella對此表現雀躍，雖然她未曾正式向相士討教，但她亦不禁說：「變白後好似幾好咁喎！依家拍緊電視劇，都忙到天昏地暗！」她笑言終於明白「一白遮三醜」，並表示中國女性始終不能曬得太黑：「我得閒就搽美白Cream，瞓覺仲用頸巾、手套同襪包實，等皮膚可以吸收啲！（男朋友鍾意？）我想大家鍾意就真！」Ella甘願紮實全身變木乃伊，認真貪靚！

JJ遊加國(目及)仔

至於JJ則於拍攝《我要做o靚模》期間，被傳與趙碩之鬧不和，她昨日澄清傳聞：「戲裏面我嘅角色Cool爆，所以成日粒聲唔出！個記者係咪影到我拍戲嘅情形，所以話我黑面咋？」她又透露早前到加拿大旅行，有感當地風景優美兼環境寧靜，故打算日後移居當地過退休生活。問到會否考慮與當地人結婚，JJ笑說：「呢個提議都好喎！我都有留意街邊啲靚仔，不過撞到嘅靚仔數目唔算好多囉！」