梁靖琪（Toby）緋聞多多，予人恨嫁感覺，但原來全是煙幕。最近有傳Toby在一次約會中經朋友介紹認識一名四眼猛男，二人一見鍾情，繼而打得火熱。據知，該猛男是從外國回流的新進模特兒，名叫John。日前Toby與John現身婚紗公司，現場所見John外表俊朗，保守估計最少身高六呎，難怪Toby「嗒糖」。

二人在婚紗店內挑選不同款式婚紗，顯得相當雀躍，當Toby換上一款性感低胸露背婚紗後，John忍不住又攬腰，又將女友擁入懷，並不時為「新娘子」撥裙及拉肩帶，好不甜蜜。惟John未能挑選合心水及尺碼的禮服而未有試穿，但無損二人雅興，更當場翹手「預演」步入教堂的過程。

二人在婚紗店態度親密又不時攬腰，旁若無人。	放大圖片	梁靖琪穿起婚紗明艷照人，急急走出試身室讓男友欣賞。

約黃浩傾婚禮

記者事後致電恭喜Toby蜜運成功，她雖否認，但卻有所保留地說：「個男仔叫John，只係好朋友，佢係模特兒出身。（拍拖？）依家工作為重，不過之後嘅事冇人知。（試婚紗好事近？）唔係，只係最近搞咗間公司，同結婚嘢有關，需要搵啲時款婚紗，所以要實地考察，試埋上身囉！而阿John都係Gentleman！」

據知Toby與朋友合股開設一間婚姻策劃公司，提供一站式結婚服務，吸引不少人慕名幫襯，首宗生意將是下月結婚的徐淑敏與黃浩的婚禮，婚禮場地更已選址凱悅酒店。

事隔數日，Toby與兩名工作人員相約黃浩於ifc一間餐廳開會。黃浩提出不少意見，談到手舞足蹈，又不時傾電話似是與徐淑敏商量，Toby則細心聆聽，提供意見，並寫下筆記，結果傾了約一小時才各自離開。

文：影視組