27/10/2009

播放本新聞相關短片

Niki火速落閘:黐線!

本文重點
盛傳鄭嘉穎有意「翻兜」周麗淇,但她昨日重申無意吃回頭草:「黐線!兜個頭呀!」

周麗淇(Niki)昨日出席《首部港產電動車mycar創新發明展》活動,因電動車只得兩座位,司儀梁奕倫即笑她要由男友做司機,但Niki抵死地說:「男人功能唔一定係揸車,可以係生仔。」近日有傳鄭嘉穎甩「佘」後有意「翻兜」她,Niki聞言反應甚大說:「黐線!兜個頭!呢啲新聞成日兜完又兜,好厭啦!唔該唔好再拖我落水。」

暗寸舊愛唔專一

記者以「車」比喻鄭嘉穎,問她可會給這輛「車」再泊入其「停車場」?Niki說:「關於呢個人啲新聞唔關我事,冇必要回應!啲人話宣傳,咁我又冇劇上仲乜宣傳?(有冇睇佢套劇?)冇!(有睇《富貴門》?)都冇,有機會會睇嘅。」

當追問她可會再接受對方?Niki抵死地說:「乜再追呀?有追過咩?唔好搞呢啲嘢,依家好好!(有冇其他追求者?)冇,呢排好專心工作,無人駕駛中。(冇人追點生仔?)遲啲搵個高性能,多功能嘅另一半,要夠環保。(淨係用你?)係!專一好緊要。外形唔使花巧,實用就得啦!」

音樂組