模特兒楊汀叮（前名楊蕾）模齡只有3年，但已擁有為數2,400人的Fans兵團支持，殊不簡單！每年生日或聚會，汀叮都會收到Fans送上有心思的禮物，今年的生日，她收到一份最貴重的禮物：「係個男Fans送嘅miu miu皮手袋，收到時我都鬧佢，同佢講唔需要送咁貴嘅嘢畀我，其實只要嚟我嘅Party已經好足夠！反而我鍾意送番啲小禮物畀佢哋，試過送年曆卡、Memo紙同襟章，希望佢哋記得嚟過我嘅Party。」
此外，汀叮透露有一名自稱「a real admirer」的Fans，每年都會捐錢做善事為她慶祝生日，每次捐款約數千元，然後將收據影印本交給她，由於該名Fans至今從未露面，身份極為神秘，但她覺得從對方的留言，感覺到對方見識廣博，閱歷甚豐：「其實我最想收到嘅禮物係Fans送畀我嘅祝福語，同埋要印有佢哋嘅肖像，因為我好大頭蝦，成日唔認得人！」
