25/10/2009

播放本新聞相關短片

陳偉霆食阿Sa波餅有反應

本文重點
蔡卓妍向來被指平胸,陳偉霆前晚為她平反,自爆胸貼胸拍咀戲時,感到對方「有料」!

蔡卓妍(阿Sa)、鍾舒漫、陳偉霆(William)與泳兒等前晚出席《新城慈善K唱遊》,與歌迷齊齊唱K,對於有傳鍾欣桐(阿嬌)以千萬元酬勞接受隆胸手術,阿Sa說:「黐線!佢唔使啦!係都我先啦!不嬲都有人出高價叫我做隆胸代言人,但我太滿意自己身材,唔會為錢屈服!」

床頭咀到床尾

師弟William亦力撐阿Sa是「有料之人」,原來二人在新片《美麗密令》中有床上激吻戲,他說:「今次真係好激烈,好似拍三級片咁,由床頭咀到落床尾!(有冇接觸敏感部位?)我個胸膛感受到阿Sa係有料之人,所以要幫佢大平反!」問到會否擔心被另一半罰「頂痰盂」,他說:「唔驚,如果真係畀人罰都有排罰,因為我另一部戲要挑逗陳潔儀!風水師話我有桃花,原來喺晒電影入面。」記者要求他與阿Sa示範激咀,阿Sa二話不說將他推埋牆借位狂咀,場面爆笑!

另外,談及張栢芝再度懷孕的傳聞,阿Sa表示不知情,有機會即向謝霆鋒求證,她笑言如果屬實,會要求對方在農曆新年期間派大利是。

文:音樂組 攝:黎志輝