有些人活到古稀之年,對孤獨的真義也所知不多,胡琳卻在十八年華便已初嘗孤獨,她說:「我首次認識孤獨,應該係18歲嗰年,孤身一人由廣州去紐約讀書,拎住行李入閘,眼淚不斷流,我以為自己撐得住,因為我係獨女,獨立對我嚟講唔係難事,直至上機嗰刻,我先知自己脆弱!」在一個自負的年代,18歲便要一個人生活,其實真的很脆弱,胡琳可算年少早慧:「記得喺美國生活初期,收養咗隻流浪貓,佢唔係我嘅寵物,係我嘅朋友,日日陪我傾偈。不過因為疏忽,唔識Take Care一個生命,即使佢有病都Notice唔到,間接減低咗佢醫番好嘅機會,令佢腸臟壞死,我好自責,我發誓唔再養寵物。」
返港被迫與愛貓分離
在這個「E世代」裏,縱然我們在Facebook中有成千上萬的朋友,但知音難求,胡琳說:「本來我都可以好堅持,直到遇上另一隻流浪貓。嗰時我連續幾日都喺街遇到佢,我問佢『係咪想我帶你返屋企?』,佢聽完就跟住我行。我一直養佢養到我要返香港發展,臨返港前半年將佢放喺朋友度寄養,佢好似知我唔要佢,每次探佢就擰歪面,捉實佢就咬到我隻手傷晒,嗰刻好心痛。」正如日本作家森村誠一在《人性的證明》中寫道:「人早晚是要分離的,就算是一起度過,也不會改變彼此是孤獨的本質。」胡琳說:「後來驗到隻貓心臟有問題,我好怕佢再離我而去,要我獨自面對孤獨,但我帶唔到佢返香港,後來我終於諗通,人到呢個世界嗰刻都係獨自一人,孤獨其實係與生俱來。隻貓過咗一排終於睬我,依家我每年都會探佢,佢唔只認得我,仲好健康,令我好安慰。」
防Lonely三寶
雪櫃裏的甜食
只要打開雪櫃,望到密密麻麻的甜食,就會令孤獨感、寂寞及不開心一掃而空。
音樂治療
扭大喇叭的Volume,播住《分分鐘需要你》及《每天愛你多一些》,心情自會好番。
約朋友傾偈
每個人總會有一個名單,在意志低沉時可以找朋友傾訴。
Profile
姓名:胡琳(Bianca)
出生日期:1980年2月10日
身高:5呎3吋
體重:90磅
星座:水瓶座
偶像:王菲、張惠妹、Sade
嗜好:烹飪