挾「美少女廚神」及「八模兵團」上位的A. Lin樣子甜美，非常受廣告商歡迎，可是成功背後她亦不是「一步登天」，在短短幾個月彈出的她，原來已入行3年多，更是由幾百元做足四小時的Model做起，她說：「以前啱啱入行，人工低，要我夏天着冬天衫或者冬天着夏天衫喺室外影相都唔緊要，我最怕係畀人化『Hea妝』，要測試幾十隻眼睫毛液，又要不停咁落妝，最慘係只出得一隻眼，唔見樣，咁至係最辛苦又唔討好。」

入行3年的A. Lin，自爆成功背後的辛酸史。	A. Lin早前為舞台劇配音，結果被鬧未有做好本分。	人氣急升的A. Lin，成功搶走Yumi的網上遊戲代言人地位。

玩玩吓被鬧

除了嘗過辛酸滋味，貪玩的A. Lin更在工作上成長起來，早前她有幸為舞台劇配音，可惜她沒有做好準備，只抱着玩玩吓的態度，結果連累他人：「導演話我唔夠放，做極都做唔好，嗰陣先識驚，感到好大壓力。」現時A. Lin仍然努力向多方面發展，一邊接模特兒工作一邊拍戲，又學跳舞又學唱歌，希望可以與師姐周秀娜一樣衝出香港向日本邁進。

文：專案組　攝：沈健程