陳淑蘭昨日到澳門出席《時尚極速搜影》時裝表演時，被問到有關FEVAR Club股東不和，她句句有骨，更連名帶姓直呼寇鴻萍，問到契姊妹情是否有變？她說：「唔係佢契妹好耐！（有條刺？）我係基督徒會寬恕人！」對於FEVAR的事，她說：「我乜都唔知，我哋冇人知！我唔係股東，我係幫利生（利承武）搞，因為佢唔鍾意高調！寇鴻萍好敏感，好大反應，等佢喺上海返嚟睇吓點。（汪詩詩話咁耐以來分錢唔多？）係事實！」她更坦言利承武感到失望：「金額唔係咁重要，汪詩詩都唔係着重錢，最緊要交代清楚！股東私下都開過兩次會，希望得到了解！」問到會否退股？她說：「文件上好複雜，總之寇鴻萍好敏感，等佢返嚟先啦！」

甄子丹夫婦與寇鴻萍夫婦曾經很老友。

Anthony與Jocelyn夫妻檔示範Chanel名錶。

汪詩詩怕影響老公形象

另一邊廂，寇鴻萍接受電話訪問時表示事件已交由律師處理，對於蘭子指「契姊妹」情盡，她說：「係咩？我同佢從來冇上契！大家同一個教會，先以姊妹相稱！（因財決裂？）我哋真係好朋友，成日見面！（點解佢咁講？）唔需要同大家交代。」至於汪詩詩則表示一切有待寇鴻萍回港開會，問到有否考慮退股？她說：「冇諗得咁仔細！我都好驚影響我老公（甄子丹）形象，佢有叫我唔好做！」

文：名人組　攝：林蔚恩澳門傳真