日前來港宣傳新專輯的蔡健雅（Tanya）表示，新碟是透過網上物色音樂人為她寫歌，部分歌曲來自一位紐約的音樂製作人，由寫歌、做音樂到錄音，都是以Email溝通，到音樂製作後期她才飛到紐約與對方會面。問到網上交友不怕危險？Tanya笑說：「都有啲㗎！但又覺得係緣分啦！今次搵新嘅音樂人合作，確係畀到自己同樂迷新鮮感。」
Tanya月底會再來香港為音樂會演出，適逢萬聖節，相信不少觀眾趁機會扮鬼應節一番。問到她可有特別造型出現？Tanya說：「我有諗過，但自己要彈結他，未諗到邊一個造型最好。」當提議她扮神奇女俠時，Tanya笑說：「嘩！唔得啦！我好保守㗎！（音樂會可唱廣東歌？）如果有機會喺紅館開演唱會，第一次當然想留喺嗰時唱啦！」