23/10/2009

播放本新聞相關短片

江若琳怕戀情曝光捱罵

本文重點
江若琳日前為DJ招募計劃任評判,自爆以前雖然興點唱示愛,但她卻不會這樣愚蠢,以免被父母聽到後識破戀情。

江若琳(Elanne)、周柏豪、方皓玟和陳柏宇日前為「生還者」DJ招募計劃任評判,Elanne表示讀書時很喜歡聽收音機,當年時興打電話上電台示愛,不過她卻從沒跟風,她得戚地說:「我冇試過喎!一陣畀爸爸同媽咪聽到咪死?我唔會咁蠢嘅!」

Elanne表示曾試過致電點唱,當年中學畢業時,她與同學依依不捨,故打電話上電台點唱Cookies的《Forever Friends》。問到最喜歡哪個DJ?她說:「我欣賞聲線磁性嘅DJ,好似顏聯武咁。」

方皓玟寸柏豪Fans

而周柏豪則遇到自稱Fans的參賽者,還不停讚他靚仔博攞高分,令方皓玟也忍不住暗寸:「好啦!交友會結束。」而柏豪則強調不會因對方是歌迷而加分:「我好公正㗎!(如果係靚女呢?)外表的確好緊要,不過參賽者唔識得爭取表現自己,幾靚都冇用。」

而方皓玟稍後拍攝彭浩翔的新片,扮演食煙又講粗口的八婆,對她來說是一個極大挑戰:「我本身唔講粗口唔食煙,今次真係好多嘢要學,連點拎煙都要學。」

音樂組