蔡瑩瑩早前客串演出《死神傻了》，在小肥的婚宴上擔任司儀，因經常要等埋位，曾連續拍兩晚通宵，但這次經驗令她認識一班好友：「拍戲日對夜對，成班年輕人玩埋一齊好易熟落，尤其Melody（陳若嵐）同金牌新人William Lam，真係做到好朋友，好難得。」

受訪期間，Ivy表情多多，相當生鬼。	放大圖片	放大圖片

Ivy直言中英混血兒William靚仔，但卻並非自己杯茶：「William太靚仔，對手太多搞到好冇安全感。反而小肥好得意，有場戲佢做新郎哥，大家笑佢着到好似中東油王咁，佢唔嬲仲自嘲係『面油王』，氹得大家好開心。」問到可會考慮對方做男友？她說：「做男友最重要講感覺，唔會定一條界線畀自己。」對於外界指同片的謝安琪寸爆兼態度差，Ivy即為她講好說話：「佢真人好靚、又好Nice，小肥話有皮膚敏感，佢第二日即刻攞張醫生卡片介紹畀小肥，又買朱古力畀大家，好好人。」

Ivy表示與Melody、小肥及冼色麗等合作拍電影後，與前者猶為老友。

Melody

讚周秀娜得體

另外，談到周秀娜早前出席科大講座引起軒然大波，身為理大學生的Ivy則認為沒有問題：「雖然佢唔係

口靚模始祖，但佢可以將口靚模話題引發到好大，絕對值得作一個學術研究去探討，而且我都同佢合作過，佢好聰明，對答淡定同得體。」