宋康昊飾演的神父在片中意外變成吸血鬼後，與金玉彬飾演的人妻偷情，還向申河均飾演的老公動殺機。朴導演透露故事早已醞釀多年：「我同宋康昊、申河均拍《JSA安全地帶》時，已經傾好話拍一個吸血鬼故事，所以今次合作非常自然，唔使特登請佢哋參演。」片中宋康昊有大膽露下體鏡頭，朴導演說：「我認為呢幕好緊要，神父喺信眾面前強姦其實只係扮嘢，所以要畀觀眾睇佢冇生理反應。」

金玉彬和申河均飾演兩夫妻，不乏對手戲。	申河均（圖右）	以暴力美學聞名的導演朴贊郁，真人十分斯文。

否認抄襲希治閣

朴導演表示花了很多時間為金玉彬的角色選角：「韓國女星一般都好怕醜，但角色有好多激烈床戲，又要做到純真到邪惡嘅演繹，同埋我又想搵新人。最後攝影指導向我推薦金玉彬，佢難以捉摸嘅特質好適合。」片中的釣魚殺人戲被指靈感來自驚慄大師希治閣作品《Lifeboat》或玉婆主演的《郎心如鐵》，朴導演否認：「其實電影唯一取經嘅戲係81年歐洲片《Possession》，金玉彬着嘅藍裙就參照呢套戲，套戲亦都畀金玉彬勇氣去拍《饑》片嘅大膽場面。」

曾多次合作的李英愛8月結婚，問他有否恭賀對方，朴導演說：「佢結婚嘅消息太突然，係朋友話我知先知，之後我就發短訊恭賀佢。」他坦言樂意與李英愛再合作，但暫未有適合的角色。