日前余翠芝（Chita）、小肥及恭碩良獲澳門邀請為澳門錄主題歌曲，因今次合作機會，令Chita見識到恭碩良的出色鼓技，吸引她誠邀對方為其新歌打鼓，她大讚恭碩良：「佢好好，只係收封利是仔！」Chita坦言恨為所居住的澳門創作一首歌，希望有關方面獲悉她的自薦，明年可以搵她傾談合作。除為澳門作歌外，她又想為迪士尼作歌：「我好鍾意米奇、米妮老鼠，因為幾年前有個男仔速遞送咗一對巨型米奇、米妮老鼠公仔追我，我好心甜。」不過應門的卻是余父，余父一打開門時，嚇然看見有兩隻「大老鼠」在門口，當堂嚇了一跳，以為自己老眼昏花睇錯，令Chita哭笑不得！

戴帽非遮禿頭

另外，Chita密謀轉形象，除以西裝褸作為自己的Icon外，又要留長頭髮，她說：「我依家把頭髮係駁髮，因為我天生攣毛，髮型師幫我剷青，點知唔好睇，惟有再駁髮變長，但駁髮令我瞓得唔好，生頭瘡同脫髮，真係好辛苦！」幸好Chita的真髮已留至及肩，再過一個月就以拆掉假髮，她笑說：「我戴假髮同戴帽，絕對唔係因為禿頭囉！」

文：音樂組