宅男女神郭書瑤（瑤瑤）一招「愛的抱抱」，成功冧爆萬千Fans，而來自澳門、擁有33D上圍的 模練荻伽，更誓言要做「澳版瑤瑤」融化宅男！
現年21歲的練荻伽（Memi），外表甜美可愛及擁有33D驕人身材，要成為宅男殺手的確話咁易。在澳門土生土長的Memi，去年參加IT代言人比賽奪得亞軍，其後毅然離開澳門及家人，來港闖一番事業，除了做模外，年紀輕輕的她更是老闆娘，百足咁多爪。
學擺甫士扮Cute
縱然外界對o靚模有彈有讚，但未有影響Memi的決心，她自言是個凡事不怕跌倒的女生。拍攝當日，Memi穿上三點式，擺出可愛誘人甫士，她更透露經理人有意塑造她為「澳版瑤瑤」，令她喜出望外，她開心地說：「瑤瑤真係好可愛，我係女仔都鍾意佢，一見到佢就會開心，佢係台灣女仔，把聲好嗲好好聽！（會學佢？）會學佢啲甫士，自己都想成為一個可愛嘅女仔。」
談到早前瑤瑤在港舉行愛的抱抱，吸引大批Fans參加，問到會否舉行類似的活動時，她說：「要睇公司安排，自己梗係想！」其實Memi今年亦為動漫節擔任Game Girl，早已吸納大班Fans，相信要舉行「抱抱會」指日可待。
進軍商界做女強人
出身小康之家的Memi，獲家人打本做生意，在港開設時裝店及按摩店做老闆娘，成為「o靚模老闆娘」。雙重身份的她坦言不怕辛苦：「想趁後生學多啲嘢，依家生意成績都幾好，希望多啲人幫襯啦！」
Profile
中文名：練荻伽
英文名：Memi
三 圍：33D、24、35
身 高：165cm
體 重：92磅
最愛樂隊：蘇打綠
參與廣告：秋葉原電器店、Ricoh相機等