薛凱琪（Fiona）的新歌《蘇州河》講述一名女孩甩拖後，連靈魂也失去，僅留下空空的軀殼，她認為這是愛情中最悲慘的事，她說：「我第二次錄呢首歌時狂喊，因為明白到歌曲嘅意思。個女仔分咗手後，個男仔連佢都攞走埋，得番個軀殼，係好驚㗎！但可以點？日子都要過落去，我都試過咁嘅日子，真係好辛苦、好慘！」

Fiona（右二）經常與方大同（左一）及房祖名結伴出街，未有因緋聞而避忌。 資料圖片	性格樂觀的Fiona屢敗屢試，深信終有找到真愛的一日。	Fiona昨日打扮性感，示範狗仔為主題的首飾。

為祖名喊

外界總將Fiona與房祖名、方大同的名字扯在一起，令她十分無奈，她再三否認與二人的緋聞，澄清只是好友：「第一年傳我同祖名，我激到喊，因為覺得被屈、被誣衊，但依家唔會咁傻，慳番啲眼淚。」她最擔心是被誤會借感情宣傳：「我哋三個唔會受緋聞影響，唔會怕避忌唔出街，事實上我同大同比祖名仲熟，成日傾電話。」

Fiona明白真愛難求，她說：「如果一個人真係愛你，佢係唔容許、唔捨得你傷心難過，搵個人拖吓、錫吓好容易，但要搵個我愛佢、佢又愛我，仲要長久嘅好難。」但她未有輕言放棄：「永遠唔會放棄愛，雖然係好近嘅將來，我睇唔到有咩對象，但為咗覓到真愛，願意犧牲一切。」

此外，Fiona昨日打扮性感出席活動，談到小時候渴望擁有一隻小狗，但遭父母反對，惟有以公仔當「假狗」。Fiona佩戴以狗仔作為設計主題的首飾，她說：「今日係人生最多狗喺身嘅一日，有16隻。」此外，她表示會好好收藏舊情人和好友相贈的禮物，即使將來結婚，亦唔怕老公呷醋：「大家都有回憶，相信做得我老公會體諒，我唔介意佢收埋舊情人禮物。」