因態度欠佳而辣慶傳媒的羅凱珊（Kama），昨日與劉心悠及江若琳等出席活動，問到有否被公司訓話，她木無表情地指着同事「卸膊」，示意對方回答。雖然形象插水，但她堅稱不擔心，更緊握拳頭做出加油手勢說：「我會努力，希望大家睇到我嘅進步。（形象受損？）唔會好驚，繼續做好自己，以後少說話、多做事！」

江若琳打算送按摩椅給媽咪作生日禮物。

劉心悠與公司尚有合約，揚言以不變應萬變。

Kama揚言會好好增值，但問到是否因發展未如理想才轉戰台灣，她即「躁狂」發作、得戚地說：「絕對唔係！係想開拓更多巿場，冇話得唔得，已經有部分工作確實咗，你哋講嘅得唔得好空泛。（身高輸蝕？）我知我行Catwalk都未夠班，主要以平面廣告為主。」問到台灣方面是否看過她的「躁底」報道，她依然故我地說：「唔知，不過發脾氣係大家講之嘛！（唔緊張自己嘅新聞？）會做好自己，可能我真係有啲唔啱。」

劉心悠冇問傅穎緋聞

劉心悠則表示剛遇見新加盟其公司的傅穎，對於傅穎甫過檔即爆緋聞，她說：「冇問佢私人嘢。」問到會否擔心公司動用過多資源為傅穎與金牌大風打官司，她說：「唔了解。（傳林嘉欣離巢？）冇聽過。」