踏入21周年的時裝王國I.T舉行以「21」為主題的《I.T 21拍：短片比賽》，反應熱烈，上載短片逾500條，最後由包括林海峰、朱祖兒、劉偉強及莊文強等組成的評判團，在網民投票選出的50個作品中，選出四強短片，並於前晚假藝穗會舉行頒獎禮。

Jan與彭羚作風低調，平日甚少一同出席公開活動。

楊淇演出短片參加《I.T 21拍：短片比賽》，打入四強。

企生果舖等候

自言一直有興趣拍短片的Jan，被問到會否替愛女拍片？他說：「每一個父母都會熱衷，係指定動作，第一個小朋友會拍最多，到第二個就會蝕底啲拍得少，第三個直情好似喺呢個世界消失咗。（對小朋友唔公平？）冇法，佢哋喺天堂㩒鐘㩒遲咗投胎，可能太塞車，排期慢咗！」

Jan坦言不會拍太太彭羚，除了影結婚相外，連合照都冇：「真係好少影，諗起都有啲後悔，一家四口合照好少，要靠剪報儲埋擺落相簿。我諗依家要多啲企喺跑馬地生果舖企番六、七個鐘等記者影。好多謝啲Photographer（攝影師）影得咁好，起碼影到啲我影唔到嘅表情，例如反眼、矇樣咁，啲相真係夠自然夠真！」

至於會否跟老婆多拍合照，Jan又再搞笑地說：「早排一齊影證件相申請Visa（簽證），但被移民局反對，我會向當局再提出要求。」另外，四強短片中，楊淇有份參演、以Nigel Ong製作的《Live IT》短片最後落敗，由參賽者Stanley Liu的《21 Reasons to Hate》短片奪冠，獲總值21萬元的獎金及獎品。