張栢芝弟弟張栢文將與拍拖年半、開設時裝店的女友Fiona Kei結婚，他們早前到巴黎、尼斯及意大利等地拍攝婚紗照，Fiona更換了十套婚紗「迎戰」。為氹未來老婆，栢文特地到巴黎的迴旋木馬前取景，浪漫又甜蜜。他透露年中已向女友求婚，令她感動落淚：「香港嗰啲結婚相好悶同好老土，所以用咗兩個星期去歐洲影！（花費？）大約六位數字！」不過，他否認於年底結婚，並表示尚未決定婚禮的日子及地點：「可能喺外國結都未定！（傳栢芝贊助你結婚？）冇呢回事！佢有見過Fiona，都好鍾意佢！（栢芝叫你哋快啲生？）都有！我哋都想生一至兩個！（湊Lucas當練習？）嗰啲玩吓啫，佢咁乖好易湊！」此外，他表示現時除了婚事外，正忙於籌備開設車行。