前晚蔡卓妍（阿Sa）、胡杏兒、張智霖、張敬軒及王菀之等錄影《勁歌金曲》，阿Sa透露跟隨她多年的助手近日提出請辭：「佢話實在係太多嘢做！我都挽留緊佢，依家放佢長假同叫公司加人工畀佢！我同佢感情好好，佢一個人跟晒我所有工作，又真係幾辛苦！」另外，袁詠儀日前被追問何時造人，並以「費事榨乾老公」解圍，張智霖笑說：「咁好笑呀！有排都未榨乾，我呢啲係壯男！（生多個？）隨緣啦！」
此外，早前有指張敬軒為關智斌開拓內地市場，軒仔否認傳聞：「我係有介紹過廣州嘅記者同相熟傳媒畀佢哋互相認識，就係咁簡單！（介紹工作？）我都自身難保，要人介紹！」
