23/10/2009

播放本新聞相關短片

Stephy靠後台撐腰搶杏兒角色

曾志偉監製、葉念琛執導的賀歲片甫開拍即惹是非!有傳鄧麗欣(Stephy)獲緋聞男友葉念琛力撐,搶走胡杏兒的角色!

邵氐電影開拍的賀歲片《72家租客》,昨日在無綫電視城舉行開鏡拜神儀式,半百演員到場拍攝大合照,卡士包括曾志偉、張學友、袁詠儀和盧大偉等,而林峯、謝天華、鍾嘉欣及佘詩曼等無綫親生仔女被安排在首行排排企。該片是講述香港精神,向《七十二家房客》致敬。不過電影剛開拍已惹是非,有傳胡杏兒曾自薦參演,與緋聞男友黃宗澤飾演情侶,誰料中途殺出程咬金,鄧麗欣(Stephy)得緋聞男友兼《72》片導演葉念琛極力推薦下,揮低無綫親生女杏兒,在片中擔演第二女主角。

晒命表示開心到癲

昨日Stephy出席活動時不忘大晒新角色:「好榮幸有份參演,我飾演志偉個女。(戲份少?)賀歲片梗係大堆頭開心啲,自己有得同超級偶像學友合作已經開心到癲!冇得做女主角唔緊要,我任勞任怨都冇所謂!」緋聞男友葉念琛做導演,Stephy卻刻意跟對方劃清界線:「佢今次冇份話事,由志偉Lead住!(有傳搶咗杏兒角色?)呢個角色係TVB搵我嘅,同劇演員有邊個我唔係好清楚,對呢個傳聞冇乜可以回應!」

而杏兒亦否認自薦食白果一事:「我冇自薦,工作係公司安排,自薦都冇用,唔係事實嘅嘢唔知點回應。」杏兒表示可能新戲中有黃宗澤才會被拉落水,又謂希望遠離是非,專心工作。

欣宜重演肥姐角色

這邊廂杏兒失落角色,那邊廂她的勁敵佘詩曼則飾演巴辣包租婆要角,無綫花旦地位更見穩固。昨日為角色裝假狗上陣的阿佘,躺在車上大擺誘人甫士,Fit爆身材在窄身旗袍下更見凸出,她笑說:「係啊!我喺戲裏面所有嘢都好突出!(升Cup?)都升咗幾呢!」不過她表示裝大胸很熱,有苦自己知。

監製曾志偉表示男主角一早屬意學友,原先他差點推掉,幸而出動友情牌才說服他。而欣宜在戲中將重演肥姐的上海婆角色:「接到角色都幾忐忑,有對住媽咪張相講畀佢知,會睇碟學媽咪嘅小動作同表情,一定會瞓身演出。」此外,昨日發生了一段爆笑小插曲,飾演貪污局長的盧大偉上台時險些仆低,即被志偉爆肚兼爆粗取笑他!

文:專案組