近年成為新一代舞王嘅陳偉霆（William），事業愛情兩得意。事業方面，William狂拍戲、拍廣告同出唱片，賺到豬籠入水；愛情方面，佢同緋聞女友Angelababy嘅感情穩定，仲以情侶檔姿態掘金，外界非常受落，小小So都戥佢開心！早排William為咗激勵自己，仲豪花60萬元買咗部火紅色Audi TT出巡，認真架勢！
小小So近排仲收到風，William買咗另一份禮物獎勵自己！William雖然工作排到密密麻麻，搞到冇乜時間做Gym，連出街跑步嘅時間都唔夠，不過話晒弗爆身形係佢嘅標記，唔可以唔Keep，而且佢又真係好鍾意跑步同健身，為咗Keep住健碩身材，佢用咗5位數字買咗部全新跑步機，索性喺屋企跑步練氣！除咗喼弗之餘，又可以保障私隱，一舉兩得！