身材驕人的雷凱欣昨日以跳舞Online Game代言人身份，與一班Game迷勁舞。衣着性感的她表示，稍後會舉辦其他活動與Game迷同樂：「等啲宅男唔好淨係『宅』喺屋企！」她又坦承自己是宅女：「朋友都話我外表好女仔，其實內裏好男人！除咗工作外，我都好少出街！」經常在家上網打機及看電視的她，曾因玩得太投入而尖叫，被父親勒令「收聲」。問到會否夜蒲？凱欣說：「以前都有嘅，依家鍾意喺屋企多啲！加上成日香港、台灣兩邊飛，嚟緊會去台灣影相。（影寫真？）類似，都有人同我傾緊出寫真，最近又接咗一部內地嘅電視電影！」