本文重點
官恩娜與王菀之兩位靚聲歌手同樣因病失聲,但官恩娜抵冷貪瀟湘,繼續拋胸演出,而王菀之則封嘴養聲,十分錫身!
工作量大增的官恩娜(Ella),雖然連日來備受失聲問題困擾,但前晚仍身穿單薄的低胸短裙仔,與農夫及梁漢文等舉行音樂會,認真搏盡!昨日她出席慈善活動時,沙聲問題明顯嚴重不少,她說:「拍劇拍到今朝六點,咁啱呢幾場戲都有好多對白,走來走去又要嗌,搞到把聲仲沙!」
唔靠醫生男友
她笑言治療聲沙不會靠醫生男友,反而感激戴夢夢介紹耳鼻喉專科醫生,希望可以根治,為下月以歌手身份到日本發展作準備。
至於向來非常錫身的王菀之,昨日出席活動時陰聲細氣地接受訪問,原來她聲帶勞損,要減少說話,她細細聲說:「醫生叫我呢兩個月都要休息,盡量唔好講咁多嘢,其實我都有少少唔開心,因為佢話未必可以100%痊愈。(打針?)我都想快啲好番,但唔想打急救針,因為副作用好傷身體。」她表示開會或與家人食飯時,都靠SMS或傳紙仔溝通,盡量養聲,以免影響即將舉行的新碟發布會及台慶演出。
文:音樂組