19/10/2009

播放本新聞相關短片

阿佘乘機公開撇嘉穎

本文重點
佘詩曼與鄭嘉穎這對緋聞情侶傳分手後,生活有天淵之別,即使昨日同場宣傳,阿佘表現也明顯比嘉穎風騷,更直言雙方已分手。

阿佘傳與嘉穎分手後,除被拍得四出睇豪宅樓盤外,日前更與女助手逛名店,被傳獲富商狂追的她,其七人車更索性停在雙黃線上,待她Shopping近一小時後才離開,一派任抄牌唔嬲的模樣,認真豪氣。反觀嘉穎自早前從美國散心返港後,多數留在家中,鮮有外出,過了多日宅男生活的他,日前難得出街,可惜撞正落雨,他撐傘步往取車,上車後卻遲遲未有驅車離開,精神恍惚、心事重重,過了一段時間才撻車,並以高速駛走。

玩遊戲勁尷尬

生活似已各行各路的佘穎,昨日與陳豪、關菊英、米雪等到奧海城宣傳新劇《宮心計》,佘穎明顯欠交流,大會安排嘉穎抱阿佘玩遊戲時,兩人顯得非常生硬,面露尷尬之色。阿佘更言明已與嘉穎分手:「我哋拍完《宮》劇分咗手,上次復合係拍《宮》劇,遲啲我又有新男主角,就係陳豪、黃德斌。頭先先知要玩抱抱,好意外但冇尷尬。(好生硬喎!)可能佢怕整親我,如果幫到套劇收視,唔介意同嘉穎一齊宣傳,我同佢係友好關係。(冇感情?)友好都係感情。(識咗富商?)連我都唔知,寫嘅人想像力豐富,但不負責任。」

而嘉穎則顯得避忌,他說:「抱阿佘咪宣傳《宮》劇嘅感覺。(傳分手後同場尷尬?)做嘢大過一切。(阿佘好唔好抱?)冇特別感覺,我同阿佘有傾偈,點解唔傾?我哋係朋友呀!」

採:追蹤組 文:影視組