泳兒前晚先與圈外好友食飯慶祝26歲生日，其後再到卡拉OK，出席經理人霍汶希（Mani）為她舉行的生日派對，並獲師弟洪杰、鄭家維及唱片公司同事撐場，問她收到甚麼禮物？泳兒說：「頸巾、戒指、花同水晶。」恨拍拖的她透露，聽從風水師指示擺桃花陣：「今年真係好多追求者！（桃花陣勁？）都係！要搵到個夾先會開始，我始終都恨拍拖！」

Mani（前排左三）為泳兒開生日P，並廣邀師弟妹出席。

泳兒獲型男獻花及送抱，但事後澄清型男只是師兄。

醉High跳跳紮

由於臨近萬聖節，現場有數名嘩鬼與泳兒合照留念，她笑言「百無禁忌」：「西洋鬼都OK，冇中國鬼咁驚！」她又透露在派對上被朋友狂「隊酒」以致醉態盡露：「印象中我一路揸住支咪，企喺梳化度係咁跳，迷糊中畀人搶走支咪，聽番同事講我又喊又笑！」至於生日願望，她只希望生活得開心。此外，期間突然有一名型男上前獻花及抱抱泳兒，令全場O嘴，泳兒解釋：「佢係我新加坡個師兄，大家唔好誤會啦！」

文：音樂組 攝：追蹤組