17/10/2009

播放本新聞相關短片

細個脹爆叫司徒肥阿水遭女仔笑大肚

司徒瑞祈(阿水)身為前香港游泳代表隊成員,有一副運動員的「Fit爆」身形,但原來「肥底」的他自爆入隊初期是肥仔一名!他說:「我好細個,7、8歲嗰陣已經代表港隊比賽,我仲記得第一次係去印尼比賽,去到得我一個係肥仔,人人都又瘦又高,不過又畀我贏到冠軍喎!」他又自爆小時候經常被友人戲稱為司徒肥:「仲有啲一齊練水嘅小妹妹笑我大肚添!我都係14歲左右先開始瘦,嗰時貪靚所以減肥!」他表示每逢有比賽時全家人也大表支持:「嗰時我每次出埠比賽,爸爸媽媽多數都會同我一齊去,到比賽完一齊留喺當地玩幾日。」

雖然阿水以前是肥仔嘜一名,但比同齡小朋友更活躍:「我細個坐唔定鍾意周圍跳,唔知係咪太大件所以成日跌親,試過整親個鼻入醫院。」

文:影視組