著名男裝品牌Ermenegildo Zegna的首家全球專賣店，前晚在尖沙咀北京道一號開幕，名模熊黛林（Lynn）、Lisa S.、黎明、古巨基、任達華及琦琦等出席。心情不俗的Lynn坦言喜愛該品牌，亦大讚適合郭富城。問到有指城城以兩萬元包泰國之行伙食，她說：「唔好聽、唔好信，我嘅生日全部係我安排。（你畀錢？）全部計劃都係我。（澄清？）幾多錢都有？唔需要澄清！（買男裝畀城城？）未諗到，一陣睇。」

變臉後	Mango	Lisa S.（左起）、Ana R.和Joceyln悉心打扮到場。

「佢嘅嘢唔好再問我」

談起城城即甜絲絲的Lynn，當提到王秀琳（Mango）揚言找城城過生日時，Lynn即一改溫婉態度，變臉起弶兼有怒意，寸爆Mango：「我真係唔識佢！佢嘅嘢唔好再問我！我冇興趣知道！唔該晒！（拉埋嚟講驚整Cheap自己？）唔想浪費時間喺無謂事上面，嚟緊忙於拍戲！」她更否認城城畀家用，澄清一向自給自足。問她會否替城城慶祝生日，她說：「佢要拍戲，我唔想影響佢工作。（開工都要食飯？）唔知，好遠。」至於應邀到上海出席今晚舉行網球活動的Mango，對於Lynn聽到其名字即嬲爆發惡，她在電話中淡然地說：「冇回應，唔想再多講。」

文、攝：名人組