相信每一個模特兒嘅終極夢想，一定係可以踏足全球矚目嘅米蘭同巴黎時裝周度行天橋，因為唔係個個模特兒都有呢個機會，起碼就連Casting嘅機會都唔係隨便有。不過小小So知道名模陳碧舸，就先後有兩次Casting嘅機會，但最後都係慨嘆一句「無緣」。
陳碧舸同小小So講，本來今年畀多個國際品牌睇中，邀請佢為今個月舉行嘅米蘭時裝周Casting，如果可以入圍行騷嘅話，就可以行埋緊接住舉行嘅巴黎時裝周。但陳碧舸話「因為呢段時間一早喺香港接咗好多工作，如果我取消唔做會對公司聲譽有影響，所以惟有唔去Casting。其實16歲嗰陣已經有人叫我Casting，但當時我覺得應該讀多啲書先，等年紀大啲先。今年我24歲起步算係遲，今次去唔到，希望下一季有機會去。」