17/10/2009

播放本新聞相關短片

側田光頭Look方力申讚可愛

自被本報拍得光頭新Look後,側田恍如重過新生,昨日他在女助手陪同下到澳門綵排《澳門小姐2009》,心情大靚的他更自嘲說:「估唔到我唔戴帽都有人認得!」到埗後側田專心綵排,未有出席記者會,方力申說:「側田光頭Look好可愛,唔使再畀人留意佢啲髮型!(剃頭為上法庭?)唔清楚!」而崔建邦則說:「想快啲摸吓側田個光頭,以前見過佢除帽,分別唔大,佢肯光頭係大突破。」監製錢國偉說:「側田自己安排服飾,光頭Look可能搶咗女仔鏡!」

對於有讀者爆料指家底厚,G朱丹一坦言不擔心影響形象,而C張綺敏近日清減了,令上圍縮水,她否認官方資料指她上圍36吋是「篤數」。