讚吳彥祖夠靚仔
問 :覺得邊個男星係最適合嘅老公人選?
答 :謝霆鋒,因為佢好錫太太,同埋Lucas好靚仔,我希望將來同老公生嘅BB都係靚仔靚女。
解構 :霆鋒出名愛老婆又錫囝囝,Wylie都算識揀,不過咁完美嘅老公人辦,唔知幾時先遇到。
問 :覺得邊個男星最適合做男朋友?
答 :吳彥祖,我好鍾意電影事業,佢喺呢方面做得好好,而且佢同女友關係好好,仲好靚仔!
解構 :男友唔同老公,靚仔啲帶出街都威啲,現代愛情故事唔追求天長地久,只求曾經擁有。
難忍男友偷女
問 :忍唔忍受到男朋友成日女?
答 :忍唔到!我係嗰啲把口話唔緊要,但內心會呷醋嘅女仔,如果男友女,我會反男仔報復!
解構 :呢樣就係典型港女心態,永遠都要男朋友將自己放喺第一位,否則有仇報仇,唔肯蝕底。
問 :咁自己會唔會女?如果,鍾意咩部位?
答 :會!鍾意女仔對腳同皮膚。
解構 :擁有巨咪的Wylie難逢敵手,當然睇吓有冇女仔對腳長過自己,皮膚靚過自己啦!
最憎異性講粗口
問 :最討厭嘅男人類型?
答 :冇品、惡、無聊,試過喺港鐵見到男人講粗口鬧人,真係好討厭!
解構 :呢三樣係男人大忌,邊個想追Wylie,一定唔可以觸犯呀!
問 :如果有個男仔有錢但係花心,有個冇事業但係好忠心,你會揀麵包定愛情?
答 :愛情!因為陪伴終老係一生一世嘅,忠心最緊要,至於錢可以自己搵。
解構 :Wylie完全係女權至上,對自己賺錢能力絕對有信心,唔介意自食其力,最緊要對方愛自己。
搵戴夢夢做伴娘
問 :第時結婚要搵圈中人做伴娘,你會搵邊個?
答 :戴夢夢(左圖左),因為我哋啱玩又啱傾,互相知道大家揀男友嘅條件。
解構 :夢夢矮過Wylie,身材仲爭好遠,揀佢做伴娘真係最佳人選。
問 :假若喺出面見到自己個閨中密友嘅男友有外遇,會唔會同個密友告狀?
答 :會!女仔梗係互相提點,唔好畀對方咁盲目咁畀人呃。
解構 :男人不忠,百次不容,朋友就係最好嘅線眼,捉二奶都要靠朋友幫手。
唔介意咀口臭男
問 :遇着拍接吻戲嘅對手有口臭,你會唔會出聲同佢講?
答 :唔會,呢啲係禮貌。
解構 :口臭真係好難頂,惟有閉氣死忍,Wylie都算大方。
問 :要同好醜樣嘅男對手做感情戲,你會點培養情緒?
答 :我會預先同佢交流,搵佢吸引嘅地方,咁就容易入戲。
解構 :外表唔重要,內涵最緊要,不過呢句至理名言唔係人人都做到。
文:音樂組