陳偉霆（William）昨日出席聖約翰救護機構125周年活動，他表示受哮喘病影響，經常無故在街上暈倒：「所以我都好想讀個急救課程傍身！」繼續在影壇大展拳腳的William，將拍攝三齣電影，他說：「全部都話我係姊弟戀，除咗同蔡卓妍、周慧敏合作，仲有一齣話我係戀母傾向。（試過姊弟戀？）試過同個大我5年嘅女仔拍拖，我細個反叛諗嘢會好偏激，反而女友成熟仲可以睇住你，感覺幾舒服。」他又笑指早前有大師指他今年旺桃花，但原來只在戲中才旺！