文：專案組　攝：司徒國榮 服裝：Fornarina

放大圖片	楊秀惠因參加選美入行。	秀惠稱最近與孫耀威甚少聯絡。

馬來西亞是個火辣度假勝地，來自此地的楊秀惠隱藏熱情DNA，性格開朗，加上其Hot爆身形，難免惹來不少裙下之臣。可是其人生卻充滿光怪陸離事，先遇上「下體凶鈴」，其後再遇上前緋聞男友孫耀威疑似偷歡事件！還未夠？她作為中環格鬥的在場女星，為事件添上神秘面紗，相信這事足以入選今年娛圈十大奇案。

秀惠不介意穿性感晚裝騷身材。

性格熱情開朗的秀惠認為朋友比愛情重要。

冷對性騷擾

不過，秀惠卻認為這些都是雞毛蒜皮事：「人哋唔了解件事，梗係會大做文章，當事人知道內情只會覺得好笑！」成為事件女主角，秀惠坦言到現在也不知發生甚麼事，為了不想牽涉其中，她惟有與事件男主角劃清界線，她說：「我哋只係普通工作上嘅朋友，嗰晚側田Jam歌，咪叫埋我去囉！其實我去到打完招呼就走，之後發生咩事都唔知！」她又否認爭女傳聞：「一定唔係！我冇咁大魅力搞到佢哋兩個男人為我打交！」

「福無重至，禍不單行」，其實之前秀惠遇上的怪事也不少，去年她的手提電話號碼外洩，遭狂徒用視像電話露下體騷擾，是為經典的「下體凶鈴」，對於此事，她說：「係啲人太無聊，我覺得唔係特別針對，亦唔覺有啲乜嘢咁恐怖，呢件事都冇影響到我！」

友情更重要

另外，早前有指孫耀威在夜店曳曳，秀惠眼火爆憤然離場，可是沒有物證，離奇指數大增，她說：「呢行啲人講乜嘢唔可以控制，咪由得佢哋點講囉！我唔會回應，啲人亦Follow唔到，件事就會不了了之！」

提起孫耀威，秀惠總是有點戚戚然，她坦言彼此的「關係」已成過去式：「我只可以講大家只係好朋友，不過朋友係一期期嘅，嗰時做嘢，大家咪Close啲，依家分開咗（指工作），真係少咗聯絡！」

秀惠隻身從馬來西亞來港，冇人冇物，難道不想有個肩膀依靠？她說：「我係個外向嘅人，識得我嘅人都知道我比較熱情，所以我有好多朋友，絕對可以頂一個男朋友，我覺得就算有男友，佢都唔可以保護到我咁多，反而同一大班朋友出嚟，會仲開心！」