家境富裕的諸葛梓岐（Marie）皮膚白滑，問到她的美白之道，她竟推介一個價廉物美的方法，令人意想不到！她說：「其實我冇乜特別扮靚嘅方法，但我媽咪就教我一個好天然嘅秘方，我覺得都幾方便，又慳到錢，所以值得推介畀大家！媽咪教我得閒用洗米水洗面，而且仲可以加啲粗鹽落去做磨沙，呢個方法對鼻上面嘅黑頭最見效。我平均一個禮拜都會用洗米水同粗鹽清潔面部同黑頭一至兩次，咁樣啲皮膚就會有光澤同更加滑！」
她又指此天然的方法有時比貴價化妝品更有效：「一啲好嘅護膚品，就算幾貴都好，但因為個個女仔嘅膚質都唔同，未必一定好用，但呢啲天然護膚方法就唔同，十個起碼有九個覺得好用！起碼唔會有副作用先啦！」
