譚詠麟日日有偉論，仍不及莊思敏用「外星人」形容周秀娜般精警，印證真正「金句王」是重質不重量！
文：專案組
莊思敏 解構o靚模
周秀娜接受科大邀請演講，引來全城圍插，莊思敏加把嘴說：「解構外星人，冇理由叫外星人講！」
解讀：周星馳都說地球是很危險的，莊思敏是好心叫班o靚模返火星，安全啲！
Amanda S. 中正死穴
熊黛林傳被郭富城飛甩後自殘，曾與城城傳緋聞的Amanda S.寄予祝福：「佢應該好有機會搵到個更高更好嘅男朋友！」
解讀：又一次證實，「愛」的反面果然是「恨」！
王希瑤 變幻球論
今屆候選亞姐王希瑤的上圍突然變大，強調是「缽仔糕」的帶挈：「真嘅先可以變大變細，假嘢就好難改變！」
解讀：裝胸作勢都識分真假，多謝王小姐賜教！
陳柏宇 三急動L
陳柏宇出席澳門小姐活動，問到會否把持不住而「動L」？他竟說：「唔擔心，不過擔心急尿會動L！」
解讀：當日陳柏宇出騷突然「動L」，引起全城熱話，原來他是因為便急！
陳偉霆 拖城落水
對於被指向Angelababy求婚落訂，陳偉霆例牌否認，更拖偶像落水：「我偶像郭富城都未結，如果佢結我先諗！」
解讀：陳偉霆不但學郭富城跳舞，還學他大耍太極！
譚詠麟 玩寸側田
側田打到飛起都冇甩帽，譚詠麟（阿倫）諗極唔明：「頂帽係咪用頭髮做？用邊隻膠水……係咪好想睇佢過海關？」另一個場合上，阿倫被陳奕迅讚靚聲，問到食甚麼補品？他說：「食防腐劑！」
解讀：明年書展，阿倫大可出本《側田十萬個為甚麼》，肯定勁賣！另外，阿倫雖已一把年紀，但依然咁醒，似食了「聰明豆」多啲！