繼楊愛瑾（Miki）與Theresa相繼離開金牌大風後，有傳Cookies中最唱得的吳雨霏（Kary）亦不想被鄧麗欣騎住萌生去意，但獲金牌全力挽留，據消息指金牌為挽留Kary寧願犧牲側田，早前無綫《勁歌金曲優秀選第二回》中，側田憑《B.O.K》一曲奪獎，原來金牌曾向無綫要求改以Kary的《戀愛疲勞》奪獎，但無綫最後以側田的歌曲較Hit為由拒絕。
記者致電Kary求證，她說：「每間公司都會為旗下藝人爭取獎項，自己寄望下一季！（有意離巢？）同陳輝虹傾緊續約，雙方傾得OK，但細節未定！」問到有沒有傾其他唱片公司時，Kary甚有保留地說：「呢個問題唔會答！每個歌手有留同走，有完約嘅時候，好講緣分。」
