早前盛傳張栢芝與謝霆鋒造人成功，並已赴加拿大安胎，故一直未有在港露面。向來有話直說的狄波拉（拉姑），前晚與丈夫鬍鬚Kong出席名錶BEDAT & Co活動時，她扮呷醋說：「你哋問吓我啲嘢啦！（咁你最近忙啲乜？）忙做開心嘢，忙過中秋節囉！（中秋係咪集齊一家人過節？）分開做，逐日逐日過。（慶祝幾日？）咪一日，我又唔迎月、又唔追月，我哋餐餐飯都當係中秋。」

早前盛傳栢芝與霆鋒成功造人。 資料圖片

名模陳沛嘉前晚盛裝出席名錶活動。

分開過中秋

提到有指她棒打女兒謝婷婷與安志杰（Andy）時，拉姑依然神態自若，還開玩笑說：「我啲『角色』都幾好，形象深入民心，一開口就棒打、埋口就鬧人。（澄清？）使乜澄清，又冇咁嘅事。（Andy有冇一齊做節？）分開一撮撮人食。（覺得佢點？）之前都講過，好仔嚟㗎！好乖！」當問到栢芝有否一起慶中秋，拉姑立即封嘴：「我唔答！」不肯透露半點風聲，再問栢芝是否有孕，她即轉身離開，令栢芝疑似大肚似層層。