熊黛林（ Lynn）前晚完成公司活動後，獨自低調趕往機場，飛往泰國陪伴在當地拍戲的城城，兼為今日生日的她慶祝。目前他們仍在泰國，但自行對外封鎖行蹤，雙方經理人至今仍未能成功聯絡他們，Lynn經理人Kim說：「佢放假唔會打電話畀佢，佢都冇打畀我！」而城城經理人小美則說：「佢尋日喺泰國開工拍戲，地點偏遠，可能接收唔到電話訊號！」

Baby失戀冇自殘

身為Lynn的師妹，Angelababy前晚出席《Style模特兒公司兩周年慶祝派對》時力撐師姐：「話Lynn同上海猛男食飯，好好笑，其實係我哋公司高層，我知佢唔會自殘，佢係個好開心同好搞笑嘅人，近排都冇見佢唔開心！」對於Amanda S.指愛情是盲目，她說：「初初熱戀係會盲目，耐咗後就會冷靜番！」問到可曾為愛情盲目，她坦言初戀試過：「暗戀個男仔半年，當時覺得人生最重要係佢，但依家見番冇晒感覺！」她坦言因對方往外國讀書而分手，首次失戀的她喪喊但冇自殘。問到對緋聞男友陳偉霆會否盲目，她說：「我哋好冷靜！」而名模陳碧舸亦撐Lynn心情好：「唔覺佢有感情煩惱！」