剛離開金牌大風，蟬過別枝的楊愛瑾（Miki），昨日身穿Tube Dress出席護膚品牌活動。自言三年沒有買過新衫的她，轉投新公司後，過去一個月的收入已達六位數港元，她說：「我同同事計過，過去一個月賺咗六位數字！（好耐冇試過？）唔好咁講，不過我有三年冇買過衫，平日頂多行街睇吓！出活動就問Sponsor借。之前的確係有唔開心，仲懷疑過自己有抑鬱症！（點獎勵自己？）我想出唱片，好耐冇出，Cookies到依家，我會用啲錢去學唱歌同跳舞，我同公司傾過呢個計劃，話晒我都沉寂多時，要加倍努力！」不過，身形向來纖瘦的她，現時只得92磅：「我希望肥番5磅，因為我個身薄，所以要增磅！（男友投訴？）我都冇男友，報道寫啫！（過緊闊太生活？）唔講呢啲！」