前晚身穿Tube Top的周秀娜（Chrissie）偕師妹Jeana於尖沙咀出席酒吧騷，吸引大批龍友兼酒客到場，Chrissie甫下車即脫去披肩晒肉，招來附近不少男士以口哨及叫囂聲招待！Chrissie在酒吧內與一眾酒客玩遊戲，現場氣氛熱烈，閃光燈閃個不停。完騷後她在龍友包圍下步出酒吧，不料現場突然響起一把響亮女聲，以挑釁語氣大嗌：「波大冇腦周秀娜！」及「好大對！」正在擺甫士任龍友拍照的Chrissie不為所動，當冇事發生。

周秀娜甫到酒吧門外即脫去披肩，不料活動後惹來女酒客言語挑釁！

放大圖片

自稱有墨水

事後談到被不禮貌對待，Chrissie說：「聽到佢哋講咩，自己都冇唔開心，經過各位訓練，依家腦袋都OK有少少墨水。（去完科大多咗？）不嬲冇乜，都公開咗自己中五畢業，但喺工作上都學到嘢，不嬲有學嘢增值，希望之後有多啲嘢同大家分享！」

問到是否覺得特別受女性針對，她續說：「呢個只係個別事件。（試過未？）未試過。（咁多女性妒忌你覺得開心？）從來冇諗呢樣嘢。」她更笑言妒忌她的女性可努力纖體，大擦代言公司的鞋！期間，有路過的男途人大叫「加油努力」，Chrissie顯得相當受落，以甜笑及「多謝」回應，但她否認較得男性支持：「唔會，身邊有好多女性朋友支持，工作上有咩唔開心或者唔明，都會同佢哋傾吓，始終女性比較了解自己感受。」

有意再演講

而昨午Chrissie出席荷里活廣場活動時回應科大道歉一事，她說：「唔好講話係道歉，大家好開心做呢件事。」但她又忍不住大爆講座內容與當初商議時有出入：「出場前話講工作上嘅嘢，分享自己想法。」講完又隨即為科大講好說話：「可能時間唔夠教授帶到主題出嚟，總之多謝院長同教授邀請我參與。（再去演講？）睇吓咩題目，如果係分享自己諗法嘅話會去試吓。」

Chrissie又語帶諷刺地說：「希望大家多啲關心香港社會事，我係娛圈工作人，唔希望上港聞版！」對於有指因感情問題致行徑失常，她否認其事，強調與男友感情穩定。此外，她早前悉心打扮與好友Hailey C.吃日式燒烤減壓，氣氛融洽。